رواية زوجه اخي كاملة بقلم نور وهبة

مع بعض وعمر بيه بيقسم الايام بينا. الواد طلع بيحب جدته اكتر منى
مستغربتش انه بيحب جدته لابوه لانه الاطفال تبع الحنيه ملهومش دعوه بمشاكل الكبار الا لو الكبار دخلوهم
فيها وعاملوهم بمعامله مرات الابن والحما. كارثه ان الابن يقعد مع امه تقوله جدتك وحشه وبتكرهنا
ويقعد مع جدته تقوله امك وحشه وبتزعقلك وبتحب اخواتك اكتر منك. او ان الجده تميز حد من احفادها
عن التانى.. الحمدلله ماما هبه مش كده وبكون مطمنه عليه معاها. كلنا فى البيت بنشتغل ان عمر
يطلع سوى نفسيا علشان احنا التلاته اكتر حد فاهم يعنى ايه مريض نفسي يئذى اللى حوليه بافعاله
في يوم كنت قاعده انا وماما لقيت الباب بيخبط
فتحت الباب لقيت عمر واحمد عمر ناولنى الشنطه وجرى على ماما حضنها وباس ايدها
احمد دخل قفل الباب وانا باخد منه شنطته هو كمان باس راسي وحضنى
زهره الحمدلله على السلامه ياحبيبى
احمد وهو ساند براسه على كتفها الله يسلمك ياروحى. حضرى الغدا لحسن تعبان قوى
زهره حاضر ياحبيبى خد شور بس انا مجهزالك الحمام
حطيت الشنط فى مكانهم ودخلت جهزت السفره وعمر بيحكى لجدته على يومه
خرجت ندهتلهم يلا الغدا جاهز
قعدنا تغدينا وسط لماضه عمر وضحكنا معاه قومت عملتلهم شاى بالنعناع ولمېت السفره
هبه يلا يا زهره انا هروح اريح شويه
زهره حاضر ياماما بس هنسهر سوه
عمر انا جى معاكى ياتيته
زهره جى فين.. تيته راحه تنام
عمر بلماضه هروح انام
هبه بضحك تنام برده هخده يازهره وكده كده بكره الخميس
زهره وهى بتبص لعمر بغيظ طيب ياسي عمر بس اعرف انك هتسمع الحروف كلها
ومتتعبش تيته كتير
ماما خدت عمر وخرجوا وقفلت وراهم كل ده واحمد ساند ع الكنبه ومغمض عنيه
حطيت ايدى على راسه ففتح عنيه مالك ياحبيبى انت تعبان
احمد بۏجع رجليا هتموتنى يازهره. انهره العميل كان عنده مشكله وكان لازم اروح بنفسي
الشقه فى الدور العاشر ومفيش اسنسير عماره جديده ورجلى اتهرت
زهره معلش ياحبيبى ثوانى وجايه
دخلت المطبخ اخدت طبق بلاستك كبير شويه وحطيت فيه مايه دافيه وملح وشويه خل صغيرين
وخرجت بالطبق وحطيته قدام احمد ع الارض وقعدت ع الارض وجيت اشيل رجله احطها فى المايه
فتح عنيه زهره بتعملى ايه قومى
قولت وانا بشيل رجله احطها ف الطبق ياحبيبى هترتاح كده صدقنى
احمد انا هغسلهم قومى
زهره انا مراتك وبعمل ده علشان عايزه اعمله ممكن تهدى
بدأت ادلك رجليه بايدى وهو بيبصلى بضيق هههه مالك يا احمد
احمد پخنقه انا متجوزتكيش علشان كده
زهره بحب الست طالما بتحب جوزها هتبقى عايزه تريحه خصوصا لو انه بيحترمها
وبيكرمها زيك كده. وبعدين يافرحتى بحضر درس الشريعه بحضر درس القرآن
وفى الاخر امشى وره شويه كلام من السوشيال ميديا ويخربه بيتى انا مليش
انا مليش دعوه بحد انا بعمل اللى انا شيفاه صح وحباه
تعرف ياحمد انا كنت بخاف احضر درس فقه او درس قرآن
وحد يشرحلى حاجه يضللنى وانا مش عرفاها اصلى مبثقش فى شغل
الاونلين ده مفهوش مشاعر كده ولا احساس. اصلى لو شفتها قدامى ممكن
اعرف نواياها ايه لكن لما معرفتش والتفكير تعبنى جبت كتب لناس موثوقه
والكتب مستشهده بالمراجع للإمام صاحب الكلام. تعرف انهرده كنت بقرأ
كتاب إنها فاطمه الزهراء تخيل انى عرفت انى الزهراء احب بنات الرسول صلى الله عليه وسلم
كانت متزوجه فى بيت بسيط جدا وتزوجت على ابن ابى طالب ووقتها مكنش معاه فلوس
لانهم كانوا مهاجرين للمدينه. وقتها فضلت احمد ربنا كتير على كل النعم والرفاهيه دى واحنا
ناس عاديه مش الزهراء بنت الرسول الكريم.. تخيل يا احمد وانا بقرأ الكتاب لقيت ابو بكر الصديق
وعمر الفاروق رضى الله عنهما اتقدموا لخطبتها والنبى عليه السلام رفض بلطف انت متخيل
رفض اتنين عظماء وجوزها لعلى عظيم الشأن اول الصبيه المسلمين الا انه لا يملك مال لكن مش مشكله
وقتها افتكرت البنات اللى رفضوا الشباب واتقتلوا فى الشارع. عرفت قد ايه دينا عظيم وبيكرمنا
بس احنا اللى بنبعد عنه.. ربنا حلو اوى وكلامه جميل اوى اوى
خلصت كلامه وانا عنيا بتدمع مرضتش اقوله انا بكيت قد ايه وانا بقرأ الكتاب وانا بعرف قد ايه احنا
مبنشكرش ربنا وديما بنقول مفيش معنديش واحنا عمى مش اكتر
احمد وهو بيبوس راسها انا بحبك اوى يازهرتى مطمن على بيتى فى ايدك
برجع البيت وانا عارف انك هتركنى كل المشاكل وتقبلينى بلطف وحب يزيل
كل تعب اليوم الحمد لله حمدا كبيرا طيبا مباركا انه ربنا كرمنى بيكى
اكيد انى مش النبي الكريم عليه السلام ولا انتى خديجه رضى الله عنها
لكننا بمحاولتنا نبنى بيت سوى ومحولاتك انتى انك تطورى من نفسك وتكونى افضل كل
يوم بفرح بيكى وبحس انى مقصر معاكم وبحاول منى لنفسي اعوضكم
يمكن انا بنزل اشتغل واتعب واجيب فلوس لكن انتى حملك اكبر
بتطبخى وتمسحى وتحمى وتلبسي وتجهزى وترتبى وبعد ده كله بتقبلينى بابتسامه
ومبتشيلنيش الهم من وانا على الباب.. ربنا يباركلى فيكى
زهره ربنا يكرمك ويحفظك لي ياروحى
احمد هو الواد عمر فين
زهره عند ماما. لسه مخلصتش كلامى
احمد نزلنى. انت مش رجليك ۏجعاك نزلنى
احمد انا مقولتلكيش من اول ما ايدك لمست رجلى وانا خفيت علطول
زهره والله!!!
احمد تعالى بس..
فات على جوازنا اربع شهور.. محبه وكرم واحسان لكن انهرده غير
انهرده يوم مميز. لما صحيت كنت تعبانه جدا ودايخه وبما انى ممرضه
فانا قدرت اعرف انى حامل. احمد هيعمل ايه لما يعرف هخلف ولد ولا بنت
عمر هيحب اخوه او اخته اللى جايه.. طب ماما هتحبهم اكتر من عمر
طب انا لما اخلف هتلهى عن عمر واحمد لقيت نفسي بفكر فى كلام كتير اوى
قعدت استغفر ربنا كتير وجبت ورقه وقلم وقعدت كتبته كل سؤال وجاوبت عليه
الطريقه دى مريحه جدا والاريح انى طلعت كل توترى فى الورقه وقطعتها ورميتها
كتبت كل افكارى وكل اللى حابه اعمله الفتره دى ان شاء الله
كلمت محل هدايه انا اعرفه طلبت جزمه بيبى وجبتها وحطيتها مع اختبار الحمل جوه بوكس على السرير
معاهم كام ورقه كده مكتوب عليهم جمل ازيك يا بابا انا ابنك او بنتك الله اعلم
جهزلى سريري يابابا انا جىبحبك يابابا استنانى
جهزتهم وخرجت جهزت الغدا معداش كتير ولقيت الباب بيخبط بس ده بيطبل
فتحت لقيت احمد وهو بيغنى وعمر بياكل ايس كريم ومبتسم لى
دخلتهم وانا مستغرباهم مالكم كده
احمد بضحك جوزك ياهانم
عمر بابا عمل جوازه
زهره بعدم فهم اتجوزت عليا ياحمد
احمد بصدممه يابن الناس العاقله اسمها جائزه مش جوازه
زهره بتبصلهم بغيره وعدم فهم
احمد يازهرتى دى جايزه افضل مصمم ياحبيبتى كانت مسابقه الصغنونه كده وكنت عاملكم مفاجأة
زهره بارتياح مبروك ياحبيبى.. خضتونى
احمد بضحك هدخل اغير ابنك كان هيضيعنى
عمر ماما انا هدخل اغير ولوحدى انا كبرت ومعتش هتعبك تانى
زهره بابتسامه بجد. طيب لو احتاجت مساعده نديلى
المفروض ندى لاولادنا الفرصه تحت رعايتنى كتير اسمع الامهات تقول لعيالها وانت هتعرف قدامى متزهقنيش
هى مستفدتش حاجه هى بس هزت ثقته فى نفسه وعلمته ميتصرفش غير وهى معاه تتولى امره طيب افرض
مكنتش هي معاه وهو اتحط فى مشكله هيستناها تجيله!!!!
سرحت فى تفكيرى ونسيت احمد اللى دخل الاوضه. ثوانى الهديه.. قومت اجرى يمكن الحقه دخلت لقيته
قاعد على السرير وماسك البوكس في ايده قربت منه
زهره احم احمد
احمد ايه ده