رواية انجاني حبها
طب بالله العظيم م في اجمل منك ، هه
حطينا الأكل سوا ، وسط جو بنحاول احنا الإتنين نخليه مفرفش ، واقدر اقول اننا قدرنا نعمل ده فعلًا
اكلنا وخلصنا اكل وقومنا عشان نصلي المغرب ، صلي بيا كالعاده ، وعايزه اقول انه صوته ف القرآن احلي حاجه بعد اسلامه ، غريبه انه يمتلك صوت جميل وخاشع كده ، بس هو ده يوسف ، اي حاجه فيه جميله.. ولطيفه
اتكلمت بتردد _ امممم ، بقولك ي يوسف
_ اي رايك لو نعمل شاي ونقعد ف البلكونه شويه
= طب اي رأيك نعمل قهوه ، أحلي
_ بص خليها المرادي عليك ، والمره الجايه قهوه
= ماشي ي ستي ، قومي البسي نقابك والچوانتي ع م اعملهم
_ خليك طيب انا هخلص واعملهم
= لا لا قومي انا هعملهم
_ عندك امتحانات بكره
= مادتك للأسف ، مانت عارف
_ نفسي اعرف بتكرهيها لي
والله م في احب لقلبي منها ، هي ودكتورها
رديت بهدوء من غير م اصرح بال جوايا
_ مش بكرهها بس صعبه
= مريم انتي ف كليتنا دي متخيله انه ف حاجه هتبقي سهله
_ لا بصراحه ، بس هي اصعب واحده
= طب استغليني ي ستي
_ ازاي؟
= لو ف حاجه واقفه معاكي هاتي اما اشرحهالك
رديت تلقائيا بفرحه وانا بحط الشاي عشان اقوم اجيب الكتب
اتكلم بهدوء وهو بيقرب عليا لحد م قعد جمبي
= اي ده ! انتي اقتنعتي اني قره عينك؟
رديت بتوتر من قربه ، من عرد وهو بيبعد ببطء شديد
= هاتي ي ستي الكتب
_ ف ثانيه
قومت اجيب الكتب وانا سيباه بيبصلي وانا بجري بابتسامه ، ابتسامه مش بترحمني وهي بتوقعني كل مره ف عشقه بدون رحمه ، ابتسامه مجرد م بشوفها بتترسم مثيلتها عندي ، ابتسامه بتعمل خلل ف دقات قلبي ، قلبي ال مش مصدق لحد دلوقتي الفرحه ال انا فيها لمجرد بس اننا مش هننفصل
فرحه بدعي ربناا انها تتدوم ، بس تتدوم..
جريت جبت الكتب وانا ضماهم ف حضني بفرح ، روحت لقيته لسه مبتسم زي مهو
_ الكتب اهي ، عيش بقا
= لا ي حبيبتي انتي ال هتعيشي ، انا يدوب هشرح بس
_ طب اتفضل ي سيدي اشرح
= نبدأ منين
_ احم.. يعني بص
قاطعني = مريم متقوليش أننا هنبدأ من الأول
شوحت بايدي _ لي انت فاكرني فاشله ولا ايه!
= حلو ، يعني فاضلك فصل واحد او فصلين صح
_ احم.. يعني مش للدرجادي ، انت هتبدا من اخر حاجه شرحتهالي
= شرحتها ف المدرج قصدك ، خلاص تمام ما...
قاطعته _ احم.. لا ، اخر حاجه شرحتهالي ف البكلونه
اتكلم بسخريه = وبتقولي مفكرك فاشله ، ده انتي هترتبي
صدقته فنفشت ريشي وانا برد
