اللي حصل كان مفاجأة مش قادرة استوعبها والله العظيم
وقولت ادخل عالواتس يمكن اوصل ل حاجه.......
لقيت عالواتس رسايل من اصحابها كتير بس الي لفت نظري رقم غريب في بينهم رسايل كتير.....
دخلت اقلب فيها كلها كلام مش مفهوم ولا حتي يدل هل دا راجل ولا بنت.....
_ انا هاجي وهجيب كل الطلبات معايا بس المطلوب كله هيتنفذ.....
علي اتفاقنا بس الطلبات تكون كاملة......
وانا بقلب فالرسايل اختي صحيت فجأه وطلعت من الواتس بسرعه بس شافتني ماسكه التليفون.....
_ انتي ماسكه تليفوني ليه....
_ مفيش كنت عاوزة ارن علي نفسي.....
_ تليفونك جوة فالاوضه.....
وراحت واخده تليفونها بسرعه.......
فضلت افكر واقول طب انا هعمل ايه دلوقتي....
اروح احكي ل ماما ولا بلاش اما اتأكد الاول ان في حاجه بجد....
قررت اني هسكت وهراقبها من بعيد اليومين الي قعداهم.....
تاني يوم الصبح نزلت راحت الجامعه بتاعتها وانا فضلت قاعدة مستنياها ترجع.....
اول مارجعت دخلت بسرعه الحمام دخلت انا الاوضه افتش في حاجتها وشنطتها.....
فتحت الشنطة لقيت فيها حاجه خليتني اتصدم صدمة عمري...
