رواية احببت
وصلت محاسن الي منزل احمد طرقت باب الشقة ففتح لها.. تفاجأ عندما رأها وفي نفس الوقت غمرت قلبه فرحة عارمه لا يستطيع اخفاءها فظهرت علي صورة ابتسامه رقيقة معبرة علي وجه يكسوه الحزن الشديد واختبأت ملامحه خلف ذقنه الطويلة
احمد.. محاسن!! اتفضلي
تدخل محاسن وتجلس علي احد المقاعد وتقول
محاسن.. مامتك واختك فين ؟
احمد.. نزلوا يشتروا شوية حاجات
محاسن.. يعني انت لوحدك هنا
احمد.. ايوه
محاسن.. كويس عشان اعرف اتكلم معاك.. قافل تليفونك ليه
احمد.. وافتحه ليه.. انتي علطول صداني ومش عاوزة تكلميني.. وفي نفس الوقت انا مش عاوز اكلم حنان.. فقفلته
محاسن.. وبعدين يا احمد.. ايه اخرتها؟
احمد.. اخرتها عندك انتي.. انا صارحتك بكل شئ
محاسن.. يا احمد افهمني انا مقدرش اكسر قلب بنتي
احمد.. وانا مقدرش اعيش مع انسانه مبحبهاش.. صدقيني هظلمها وهظلم نفسي.. يا محاسن انا بحبك انتي وانتي كمان بتحبيني ليه عايزة تحرمينا اننا نكون مع بعض
احمد.. يعني انتي عاوزاني اتحوز بنتك وانتي عارفه اني انا قلبي مش معاها وان قلبي معاكي انتي.. هتكوني مبسوطة ؟
محاسن.. مش مهم اكون مبسوطة.. المهم بنتي تكون مبسوطة
احمد.. وبنتك عمرها ما هتكون مبسوطة وهي عايشة مع واحد قلبه مش معاها ومتعلق بواحدة تانية
محاسن.. انا احترت والله.. اختك قالت لحنان انك كنت بتكلمها بالليل وعمال تقلها بحبك وما استغناش عنك.. كانت مفكرة انها حنان.. حنان دلوقتي اتأكدت انك تعرف واحدة تانية وعاوزة تعرف مين هي
محاسن.. انت اتجنن@ت.. انت عاوز بنتي تنت@حر انت عارف انها بتحبك بج@نون.. ولو ما انت@حرتش كفاية انها هتحتق@رني طول عمرها ويمكن تتبري مني هي واخواتها
احمد.. انا كل ده ميهمنيش.. انا اللي يهمني دلوقتي اني بحبك وعاوز اعيش معاكي لاخر عمري.. وعاوز اعرف دلوقتي.. انتي عاوزه تعيشي معايا ولا لا ؟
محاسن تنظر الي احمد عيناها في عينيه وكأنهما يجيبان بدلا منها بأنها تتمني ان تبقي معه حتي اخر عمرها وفجأة تسقط دمعة من عينها ويمسحها احمد بيده ويقول
احمد.. انا مقدرش اعيش من غيرك صدقيني
محاسن.. وانا كمان بس ما باليد حيلة
احمد.. لا.. لازم نلاقي حل
