رواية ورطة مع زوجي
ابو عيون ملونه وجسمه الحلو وحاضنى قدام الناس ووو كشرت من تفكيري فيه هو انا هضعف قدام عينه مثلا
لسانك عايز قصه يا حب
بطل تستفزنى الأول قولتها وسيبت ايده ورجعت الكوشه افتكرت هيحصلني بس كالعادة خالف توقعاتى وبدء يرقص مع أصحابه وانا قاعده متغاظة من فرحته فرحان كأنه فرحه بجد
قرايبى وأصحابي بيسلمو عليه ويتصورو أكيد الصور عندهم اهم من الفرح نفسه فكرت بسخريه على حظى إلى الكل مابيحبنيش وانا اتجوزت علشان اغيظهم كلهم واوقف لسانهم لفترة عن كلمة مش هنفرح بيكي بقى يا مسك وكأن الفرحه متمثلة بيه وموقفين حياتهم على فرحي
يتبع..
شديت مصطفى من ايده من غير ما أسمع رأيه
يله نرقص يا مصطفى
_شكلك حلو يا مسك طالعه قمر فى فستان الفرح
شكرا قولتها بخجل مصطنع وراسمة الكسوف بس من جوه فرحانه اووى علشان متأكده ان محمد سامع وهو بيرقص لسه مع البنت اللزقة يستاهل هو إلى بدء اتوعدله
بلطف زياده عن اللزوم ودلع ماعرفهوش اصلا طلع من لساني اول مره
بقلمي أسماء الكاشف
_ هو انا اقدر ارفض ليكي طلب سيبت اشغالى كلها وجيتلك
ميرسى اووى يا مصطفى انت احسن واحد قابلته
عليت صوتي لما قرب محمد مننا وبيوشوش البنت إلى معاه فنفخت بغيظ منه
اتحولت الفقرة لرومانسية أكثر وكل واحد بدء يقرب من شريكة فى الرقص أكثر ولسه مصطفى هيمد ايده ويشدنى ليه أكثر لقى ايده بتلمس الهوا وانا ببعد عنه شويه وأستاذ محمد إلى عينيه بتطلع ڼار قافشنى من قفايا بغيظ وشدنى بعيد كأني حرامي غسيل
معلش هأخذ مراتي شويه
وضغط اوى على كلمة مراتي عايز يثبت ليه انه خلاص خسرني ما نكرش ان الكلمة فرحتنى ماستناش رد مصطفى وشد ذراعى جامد وجعنى بس انا ما بينتش
لف ايده حوالين جسمى وقرب وشه من وشى وبغيظ
انت ازاى تشدنى كده وتحرجنى قدام الناس
بقى هو احسن واحد قابلتيه يامدام
قالها بهدوء مخبى وراها عصبيته وغضبه ومتجاهل زعيقى
اه ومحترم كمان قولتها بملل فشدنى أكثر ليه وايده بتتغرص فى لحمى
انتى ليلة اهلك سوده معايا يا مدام مسك قالها بعصبية صراحة خۏفت بس طبعا لسانى يسكت لاء
ليه ان شاء الله عملتلك ايه انا علشان تهددنى
كل ده ماتعرفيش عملتى ايه بترقصى مع راجل غريب وحضناه بقلة حيا ولا كأنك متجوزه
صورى جوازنا صورى متنساش يعنى ما يحقلكش تتحكم فيه وتهددنى فى الرايحه والجاية وكمان ماانت راجل متجوز ذى ما بتقول ورايح تحضن المايصه إلى رقصت معاها قولتها بغيره واضحه جعلته يبتسم
حتى لو صورى انا راجل وما سمحش اشوف إلى اسمها على اسمى مع راجل غير
وبعدين تعالى هنا انتى بتغيرى ولا ايه ياحلوه قالها بسخرية
بقلمى أسماء الكاشف
ضحكتنى لاء طبعا قال احبك قال
حسيت بعينه انطفت شويه وكأنه مستني منى حاجه مختلفة او كسرته مثلا خلصت الرقصه وسيبته ورجعت الكوشة من ثاني شويه وجيه قعد جنبى بس المره دى شكله متغير
دى بنت عمى واختى فى الرضاعه
بصيتله پصدمه وحسيت براحه كبيرة ماعرفش ليه فرحت يمكن علشان قلبى بدء يتعلق بيه حتى لو ما حبنيش بنجذب ليه
بتقولى ليه
_ يمكن علشان مهتم بيكي شويه قالها بسخرية بس للحظة حسيته بيقول إلى فى قلبه وبيستخدم أسلوب السخرية علشان ما يبينش مشاعره ضحكت على غبائى
مش محتاج تبرر ليه حاجه ذى ما قولت جوازنا صورى تقدر تعمل إلى عايزه ما يهمنيش
