رواية رهف ومروان كاملة جميع الفصول بقلم همس حسن

على ايديها وانا مستعد احارب معاكي لو حتى آخر نفس فيا 
يلا حددي أقرب معاد بقا اجي اطلبك من والدك واخوكي فيه
إيمان بتبسم إبتسامة سعادة وخوف في نفس الوقت 
وصلوا بشمس المستشفى .. دخلوا بيها على الطوارئ بسرعة وجه دكتور يكشف عليها 
بعد نص ساعة
مروان وتامر ورهف برا 
مروان واقف ساند دماغه عالحيطة 
رهف مروان انت كويس ياحبيبي 
مروان كويس ايه بس يارهف .. كويس ايه
رهف مالك طيب انا حاسة اللي عامل فيك كدا مش بس تعب شمس فيه حاجة أكبر 
مروان بعدين يارهف بعدين 
تامر استني هجيبلك كرسي تقعدي يارهف عشان متتعبيش م الوقفة 
راح تامر يجيبلها كرسي .. مروان بصله باستغراب !! 
مروان ايه التوهان اللي انا عايش فيه دا ياربي كل ماافهم حاجة تيجي اللي بعدها تفاجئني بغموضها 
كل مااقول خلاص اتحلت وهنعيش يطلعلي خازوق يلففني حوالين نفسي ويخليني أرجع تاااني لنقطة الصفر حيران وبفكر في حل اللغز .. لا إله إلا الله
رهف بتطبطب عليه اهدي ياحبيبي بس اهدي 
انا معرفش ايه اللي عامل فيك كدا بس أيا كان هيتحل والله صدقني 
جاب تامر الكرسي لرهف 
الدكتور خارج من غرفة الإستقبال
جريوا عليه بسرعة 
تامر طمننا يادكتور مالها 
رهف حالة ټسمم صح 
الدكتور لا لا بعد الشړ مفيش الكلام دا 
هي حاجة مختلفة شوية
مروان ايه هي الحاجة يادكتور 
الدكتور هي شمس متجوزة صح 
مروان بينه وبين نفسه لما سمعت الكلمة دي قبل كدا من دكتور مكانش خير .. استر يارب 
تامر لا يادكتور مش متجوزة 
الدكتور امممم .. مش عارف أقولكم دا ازاي الحقيقة بس لازم اقوله 
شمس اختكم حامل
مروان بيبرق .. تامر بيرجع لورا من الصدمة 
رهف نعم 
انت بتقول ايه يادكتور 
الدكتور الأول شكيت في الموضوع عملتلها اختبار حمل طلع بوزيتيڤ 
مروان نزله
الدكتور افندم 
مروان بقولك نززززله 
الدكتور أنزل اااايه يااستاذ انت شايفني ازاي 
مروان بيمسكه من رقابته شايفك زي ما شاااايفك انت تعمل اللي بقولك عليه من سكاااااات وتنزله 
الدكتور بيكح يااستاذ عيب اللي بتعمله دا 
رهف بتمسك ايد مروان عيل ايه اللي ينزله يامروان انت اټجننت .. فيه مليون حل غير دا 
مروان اسكتي يارهف انتي متعرفيش حاجة .. هاااااا هتنزله ولا انزلك انا تحت الأرض 
الدكتور طب ممكن تسيبني ونتفاهم
مروان بيسيبه اتفضل 
الدكتور بص يااستاذ مروان انا دكتور باطنة يعني مليش أي علاقة بأمراض النسا .. لكن ليا دكتور زميلي وصاحبي في نفس الوقت هكلمه اخليه يعملكم العملية النهاردة بإذن الله 
مروان دلوووووقتي عايز شمس تقوم تلاقي نفسها كانت حامل وسقطت 
فاهم 
الدكتور حاضر حاضر 
تامر خلاص يامروان .. متكلمش الدكتور كدا هو ملهوش ذنب في اللي بيحصل 
مروان انت بالذات مش عايز أسمع صووووتك خالص .. انت كنت عارف كللللل حاجة وساكت 
سابهم الدكتور ومشي .. دخلت رهف تبص على شمس 
تامر كنت عاوزني أعمل ايه يامروان 
أروح أقولك الحق انا عرفت من كام سنة فجأة إن لينا اخ أكبر منناااااا من أب تاني واحنا الاتنين عيشنا في كدبة كبيرة 
طب انا ياكبير وعاقل واول العنقود مقدرتش استحمل الخبر وسيبتكم ومشيت واتغربت لوحدي سنيييين لدرجة إن انت نفسك مبقتش بتعتبر إن ليك اخ 
انت بقا كمروان لو كان أبوك بدل بيننا وقالك انت كنت هتعمل ايه 
مروان ماشي ياتامر .. بس خليك فاكر 
اللي انت عملته هيتسبب في چريمة قتل هتحصل قريب جدااااا
تامر چريمة ايه 
مروان انا هقتل أحمد .. اللي يعمل كدا مع أختي وهو عاااااارف يستاهل القتل 
تليفون مروان رن كريم 
مروان أيوة ياكريم 
كريم ايه يامروان انت فين 
مروان في حوار كدا .. المهم في ايه
كريم مدير الشركة رجع من دبي وقالب عليك الدنيا يابني 
مروان يانهار اسود ومنيل .. كانت نقصاه الحكاية
كريم احمد ربنا دا كان هيعرف إن بقالك قرب شهر مجيتش وانا لحقت الموقف في اخر لحظة 
مروان عادي بقا مانا ياماااا طلع عيني في الشركة وكنت بطبق بالايام ورا بعض 
كريم أيوة يابني بس هو راجع سانن سنانه يظبط حاجات كتير تخص الموظفين ومينفعش يعمل استثنا لواحد بس 
مروان طيب عموما حاول تغطيني كدا لحد مااخلص الحوار اللي في ايدي دا واجيلك 
كريم اشطة
قفل مع كريم 
تامر الدكتور بيقول إن العملية هتتعمل كمان ساعتين .. ادوا لشمس حقنة مهدئ تخليها تفضل نايمة لوقتها عشان لو صحيت وقولنالها هتخاف ودا ممكن يعمل سيولة في الډم 
مروان ماشي مدام لسة ساعتين هستغلهم واروح عالشركة عشان فيه مشكلة هحلها بسرعة واجي وقت العملية
لو رهف خرجت قولها 
تامر تمام 
بعد نص ساعة
مروان وصل

الشركة .. ركب الاسانسير وطلع لحد الدور اللي فيه مكتبه 
في مكتب دينا 
دينا بتتكلم في الفون أيوة ياخالد بيه منا قولت لحضرتك انا عملت كللللل اللي